24 sentyabr 2016

2015 йил 1 апрель № 409 Хива тумани ҳокимининг қарори

ХИВА ТУМАН ҲОКИМИ ҚАРОРИ

2015 йил 1 апрель 409 Хива тумани

Тумандаги транспорт воситаларини мажбурий техник

кўрикдан ўтказиш тўғрисида

"Маҳаллий давлат ҳокимияти тўғрисида”ги (Ўзбекистон Республикаси Олий Кенгашининг Ахборотномаси, 1993й., 9-сон,
320-модда),
"Йўл ҳаракати хавфсизлиги тўғрисида”ги (Ўзбекистон Республикаси қонун ҳужжатлари тўплами, 2013й., 15-сон, 197-модда) Ўзбекистон Республикаси Қонунларига ҳамда Ўзбекистон Республикаси Вазирлар Маҳкамасининг 2003 йил 31 январдаги 54-сонли қарори билан тасдиқланган "Транспорт воситаларини мажбурий техник кўрикдан ўтказиш тартиби тўғрисида”ги Низомга (Ўзбекистон Республикаси қонун ҳужжатлари тўплами, 2003й., 1-2-сон, 17-модда;) асосан, тумандаги транспорт воситаларнинг 2015 йилда мажбурий техник кўригини ташкил қилиш мақсадида,

 

Қ А Р О Р Қ И Л А М А Н :

 

1. Хива туман Ички ишлар бўлими Йўл ҳаракати хавфсизлиги гуруҳи (Ж.Аллаберганов) зарур шарт-шароитларга (техник диагностика ускуналарига, кўтариш мосламаларига ёки қараб чиқиш учун чуқурчаларга, назорат-ўлчаш асбобларига, асфальт ёки бетон қопланган бир текис горизонтал майдончага) ва малакали мутахассисларга эга бўлган ташкилотларда ва техника хизмати кўрсатиш станцияларида, тумандаги юридик ва жисмоний шахсларга, шу жумладан хорижий юридик ва жисмоний шахсларга тегишли бўлган транспорт воситалари қуйидаги даврийликка мувофиқ мажбурий техник кўрикдан (кейинги ўринларда матнда "техник кўрик” деб юритилади) ўтказилишини таъминласинлар:

а) тумандаги юридик шахсларга тегишли бўлган транспорт воситаларининг техник кўриги 10 апрелдан 10 июнгача;

б) тижорат асосида йўловчи ташиш учун фойдаланиладиган енгил автомобиллар, автобуслар ва ўтириладиган жойлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспорт воситалари ва уларга тиркамалар бир йилда икки маротаба (10 апрелдан 30 июнгача ва
1 сентябрдан 31 октябргача);

в) жисмоний шахсларга қарашли бўлган транспорт воситаларининг техник кўриги 10 апрелдан 31 августгача техник кўрикдан ўтказилсин.

Ишлаб чиқарилганлигига беш йилдан кўп бўлмаган транспорт воситалари икки йилда бир марта техник кўрикдан ўтказилсин, мазкур банднинг "б” кичик бандида қайд этилган бир йилда икки марта техник кўрикдан ўтказилиши лозим бўлган транспорт воситалари бундан мустасно.

2. Туманда транспорт воситаларини техник кўрикдан ўтказиш учун тузилган комиссия таркиби 1-иловага мувофиқ, юридик шахсларга қарашли транспорт воситаларининг 2015 йилги мажбурий техник кўригини ўтказиш жадвали 2-иловага мувофиқ тасдиқлансин.

3. Техник кўрикдан ўтказувчи туман комиссияси:

транспорт воситаларини техник кўрикдан ўтказилганлиги учун (мототранспорт, тиркамалар ва ярим тиркамалардан ташқари) энг кам ойлик иш ҳақининг ўндан бир қисми миқдорида;

мототранспорт, тиркамалар, яримтиркамалар техник кўрикдан ўтказилганлиги учун энг кам ойлик иш ҳақининг йигирмадан бири миқдорида йиғим ундирилсин.

Ушбу қарорнинг 1-банди "б” кичик бандида кўрсатилган транспорт воситалари иккинчи марта техник кўрикдан ўтказилганлиги учун йиғим ундирилмайди.

Биринчи (олдинги) техник кўрикда носоз деб топилган транспорт воситалари такрорий техник кўрикдан ўтказилганлиги учун белгиланган миқдорларда йиғим ундирилади.

4. Транспорт воситаларни техник кўрикга жалб қилишда ЙҲХГга, туман мудофаага кўмаклашувчи "Ватанпарвар” ташкилоти, қишлоқ фуқаролар йиғини раислари, туман Ички ишлар бўлими ходимлари жамоатчилик асосида амалий ёрдам кўрсатилиши тавсия қилинсин.

5. Мазкур қарор қабул қилиниши муносабати билан туман ҳокимининг 2015 йил 4 мартдаги 296-сон қарори ўз кучини йўқотган деб ҳисоблансин.

6. Туман Ички ишлар бўлими Йўл ҳаракати хавфсизлиги гуруҳи, транспорт воситаларнинг техник кўриги натижалари бўйича туман ҳокимлигига 2015 йил 10 ноябргача ёзма ахборот бериш вазифаси топширилсин.

7. Ушбу қарор "Хива тонги” газетасида эълон қилинган кундан эътиборан кучга киради.

8. Ушбу қарорнинг бажарилишини назорат қилиш туман ҳокимининг биринчи ўринбосари А.Рахмонов зиммасига юклатилсин.

 

 

 

Хива туман ҳокими Д.Аллакулиев

скачать dle 10.4фильмы бесплатно

Qo'shimcha ma'lumotlar:

Bo'lim boshliqlari

Bo'lim boshliqlari
Туман ҳокимлиги аппарати Туман ҳокимлиги аппаратида жами 23 киши фаолият кўрастади. Булар туман ҳокимининг ёрдамчиси, туман ҳокимининг биринчи ўринбосари ҳамда унинг бош мутахассиси, туман ҳокимининг

Manzil

Manzil
Туман ҳокимлиги манзили Адрес: Хива тумани, Н.Кубро кўчаси, 27 уй, 220900 Тел: (0362) 375 42 65, 375 27 01 Факс: (0362) 375 38 81, Электрон

Tuman haqida

Tuman haqida
Хива – очик осмон остидаги музей-шахар. Шахар 2500ёшда. 1990 йилда ЮНЕСКО томонидан Бутундунё ёдгорликлари Дастурига киритилган. Хоразм вилояти пойтахти Урганч

2015 йил 12 февраль № 244 Хива тумани ҳокимининг қарори

2015 йил 12 февраль № 244 Хива тумани ҳокимининг қарори
ХИВА ТУМАН ҲОКИМИ ҚАРОРИ 2015 йил 12 февраль № 244 Хива тумани Хива туманида қишлоқ хўжалиги ва мелиоратив техникаларни, машина-трактор парклари, устахоналар ва сервис