Ногиронлик пенсияси тайинланганидан кейинги ишланган вақт ҳам иш стажига қўшиладиган бўлди

10.10.2022 191 Yangiliklar
Президент пенсия тайинлаш тартибини такомиллаштиришга қаратилган Қонунни (ЎРҚ–795-сон, 26.10.2022 й.) имзолади. Унга кўра, I ва II гуруҳ ногиронлик пенсияси тайинланганидан кейинги ишланган вақт иш стажига қўшиб ҳисобланади.

❗️I ва II гуруҳ ногиронлик пенсияси тайинланганидан кейин камида 1 йил иш стажига эга бўлса, фуқаронинг аризаси асосида иш стажи ва иш ҳақи инобатга олинган ҳолда пенсия ҳар икки йилда бир маротаба қайта ҳисоблаб чиқилади. 

Бунда пенсияни қайта ҳисоблаш фуқаро пенсия миқдорини қайта ҳисоблаш учун мурожаат қилган санадаги ёшга нисбатан талаб қилинган иш стажидан келиб чиққан ҳолда амалга оширилади.